По благословению Предстоятеля Украинской Православной Церкви Блаженнейшего Митрополита Киевского и всея Украины Владимира во всех православных храмах Украины, начиная с воскресенья 1 ноября за Литургией совершается специальная молитва — «Молебное пение во время губительного поветрия и смертоносныя заразы», которая традиционно отправляется в Православной Церкви во время распространения опасных болезней.
- Дословно
- Молебное пение во время губительного поветрия и смертоносныя заразы
- «О еже не помянути беззаконий и соблазнов нас, грешных и недостойных рабов Своих, но милостивно очистити грехи наша и отвратити гнев Свой, праведно движимый на ны, Господу помолимся».
- «О еже ни яростию обличити, ниже́ гневом наказати нас, но помянути яко плоть есмы́, дух ходяй и не обраща́яйся, и милостивно пощадити от смерти ду́ши наша, Господу помолимся».
- «О еже не внити в суд с рабы Своими и не на́зрити беззакония наша, но очистити я, и милостиву быти, и пощадити люди согрешившя, Господу помолимся».
- «О еже помянути щедроты и милости Своя, яко от века суть, грехов же юности и неведения нашего не помянути и помиловати нас, Господу помолимся».
- «О еже услышати от храма Святаго Своего глас наш и исцелити болезни смертныя, одержа́щыя нас, и потоки беззакония смутившыя нас изсушити, Господу помолимся».
- «О еже вскоре изъяти нас от сете́й смертных и от болезней адовых избавити, Господу помолимся».
- «О еже милостивно продолжити рабом Своим покаяния время и не безгодно яко неплодную смоковницу посещи́, но благосердием окопати и милосердия росою напоити, плодов покаяния и обращения нашего человеколюбно еще ожидая, Господу помолимся».
- «О еже вознести нас от врат смертных и меч изъятый и лук Свой напряже́нный и в нем сосуды смертныя на ны праведно угото́ванныя со стрелами горящими милостивно (да не погибнем) от нас отвратити, Господу помолимся».